قديش فيك انفخت يا بابور
وقديش مليت الزوايا شحور
وقديش كنا منك من القهر
نموت وادا خربان نقعد شهر
وحضرة جنابك قاعد ومسرور
يا الف رزقالله !!!!! ع ايامك
وقفت صبايا الحي قدامك
قديش كنت العون للجوعان
وباْبرتك شو جننت نسوان
وعن كرستك ما في حدا قامك
ان وقفت كان البيت كلو ضج
وبيي ان ما لاقى طابخين يهج
مرة يقولوا غاشين !!!! الكاز
ومرة يقولوا الراس بدو جهاز
وتا نصلحك امي عا بيي تلج
بتدكر اليوم ال اجانا ضيوف
وبيي دعا المختار بو معرف
يوما انطفى وبوج امي هب
والطنجرة خيي بو هاني دب
عينك علينا يومها وتشوف
وينك تجي وتشوف ع محلك
مين اللي حل وطل شو بقلك
صار النساوي فيه تعمل كيك
ولا كاز !!! لا شحبار راسو تفك
والله منافع كنت !!! عا حلك
ولك ااااخ لو بتعود بمدامك
وترجع الناس بتحقن مقامك
وتا تشوف بعدك كيف صفينا
تشمت شويي وتضحك علينا
ونقول رزق الله عا ايامك
محمد العبد حوراني
