هِلّوا يا دموع الهجر هلوا ... وقولو لعيوني يرجعوا يطلوا
عابقية أهل والجيران... بلبنانا لِرْحَلْت عن ضللّوا
وِدْعت أهلي وذرفت دمعات... وِدْراج بيتي لحظة انحنيْتلّوا
وِدْعَيْت ربي يغيّر الأحوال... تإرجع عالوطن يلفقدتلوا
وإذا طال الهجر يا حسرة الحسرات... يبقى من العمر شي إستغلوا
بعودة على الوطن من بعد هالغيبات... وأحضن حبيبي يلكنت مِلّوا
ونجلس سوا بظل هالأرزات... نبلسم جروح من الحرب مَلّوا
ونطرد العزال لدمروا البنيان... ونقلهن عنا بقى فِلّوا
كفانا حروب وقتل بالساحات... وطفالا ميتمي عالدرب ضلّوا
ما أكتفوا بحرب النار والعبوات ...إلا سيوف الجوع عالشعب سلّوا
لا كن شعبي ما بيحمل العارات... نثئرْ شي يوم لا تستقلوا
إلا يصفع كف لِلْسبّب الويلات... ويستد حقوا لو مات كلوا
السيد محمد عقيل بزي - بنت جبيل.أورغ