أنت تتصفح أرشيف موقع بنت جبيل

اللواء جميل السيّد : أمس زارني الشهيد الحريري في المنام.. وكان هذا الحوار

الجمعة 12 شباط , 2016 10:49 بتوقيت مدينة بيروت - شاهده 3,345 زائر

اللواء جميل السيّد : أمس زارني الشهيد الحريري في المنام.. وكان هذا الحوار

كشف اللواء جميل السيّد في ذكرى إغتيال الشهيد رفيق الحريري عبر "تويتر" عن ان الحريري زاره ليلة أمس في المنام، كان يلبس عباءة بيضاء، بدا حزيناً، ودار هذا الحوار بينهما على حد قوله.

وهذا نص الحوار: 
مبارح شفت رفيق الحريري بالمنام، سألني: سمعت انو جماعتي عاملينلي احتفال بالبيال؟ شو رأيك
قلتلو: قبضوا منك انت وطيب وعم يتاجروا فيك انت وميت!
قال: دخيلك جميل! ابعتلي ياهم حتى فرجيهم واتحاسب معهم!!
جاوبتو : دولة الرئيس! هيئتك مصدق انو نحنا منبعت على الاخرة! اصلاً انا بطلت بالامن . بس ما بنكر هالصيت، لانو بلاه ما بكون الواحد عندو مستقبل سياسي بهيك بلد... الهيئة ما خبروا دولتك انو انا استقلت واعتقلونا بسببك؟!
قال: يه يه! كيف?
قلتلو: جماعتك بتيار المستقبل ما كان بدهم انو نحنا نحقق باغتيالك وما كان عندهم مصلحة يعرفوا مين قتلك. بنظرهم هني واسيادهم برات لبنان انو لازم يكون قاتلك اما سوري او شيعي من حزب الله، والا ما بتظبط المؤامرة.
انو يا دولة الرئيس كنت بتتوقع انو جماعتك يتهموا الموساد او القاعدة او ال "CIA" ؟ شو كانو بيستفيدوا ساعتها ووين بيصرفوها؟ ولا شي..
قال: سعد ووسام ما عملوا شي؟
جاوبتو: وسام الحسن صار عندك فوق. بشرفي مش نحنا بعتناه. اسأله عن السنيورة والريفي وميرزا وغيرهم وعن محمد زهير الصديق وشهود الزور. القصة كلها معو، بخبرك شو صار وكيف بفركوها...
قال: باعوني هالمجانين؟!
قلتلو: مش مجانين دولة الرئيس، هودي متآمرين. هودي باعوك بالجملة والمفرق، بلبنان وبراتو، وبأرخص سعر.وهلق حاكمين باسمك، وكلما فلسوا بيركضوا على ضريحك وبيقرأو الفاتحة، مش عن روحك دولة الرئيس، بس منشان يظهروا على التلفزيون ويستغلوا عواطف الناس...
قال: اذا شفت ابني سعد قلو ينقلني من السوليدير ما بدي لا زيارات ولا دموع المنافقين. قلو كرامة الميت يكون بين الاموات، مش يحطوني بين دواليب السيارات ونعيق المظاهرات وقرقعة الاركايل وصخب الملاهي...
قلتلو: الله يساعد سعد! عم يخونوه متل ما خانوك. وكل واحد منن عامل زعيم على حسابو. ما تقلي دولتك انو يقطع عنهم الفلوس! صار معهم اكتر منك ومنو، من السنيورة وريفي وجر...
دمعت عيونو ومشي بلا ما يقول بخاطرك..

Script executed in 0.18829202651978