أنت تتصفح أرشيف موقع بنت جبيل

"نورا" مواطنة "لبنانية" تم منعها من السباحة في طرابلس ومعاملتها بعنصرية لأنها ترتدي "البوركيني"!

الثلاثاء 27 حزيران , 2017 04:14 بتوقيت مدينة بيروت - شاهده 145,984 زائر

"نورا" مواطنة "لبنانية" تم منعها من السباحة في طرابلس ومعاملتها بعنصرية لأنها ترتدي "البوركيني"!

في بلاد العالم، يكون احترام المواطن من الأولويات التي يجب أن تطبق، فضلاً عن احترام الضيف أو الزائر في الدرجة الثانية، و لكن للأسف لبنان بات يفتقد كل شيء، من الأمن و الأمان.. الى الحقوق والواجبات.. مروراً بكل شيء، وصولاً الى فقدان احترام المواطن في وطنه.

السيدة "نورا" لبنانية نعم، ولكنها لم تنزل الى الشاطىء في بلد أوروبي لو افترضنا، ليتم منعها ومعاملتها بعنصرية وتمييز واذلال، بل أرادت السباحة على شاطىء في وطنها، و في هذا الوطن تم معامتلها بطريقة سيئة، فلا عتب على بلاد الغربة.

من هنا، قامت المواطنة اللبنانية "نورا الزعيم" بنشر الموقف الذي حصل معها خلال تواجدها في فندق الميرامار في طرابلس، في خطوة جريئة وملفتة، للدفاع عن حقها، بعدما منعت من نزول المسبح من قبل المسؤولين في هذا الفندق لأنها ترتدي البوركيني، وكتبت عبر صفحتها الشخصية على فايسبوك مايلي :

"""من كم يوم قررنا انا و زوجي نحجز بال Miramar Hotel Resort and Spa بطرابلس. حضرنا حالنا مبسوطين أخدين ابني ابن السنة و نص نسبحو لاول مرة. و طبعا انا جبت burkini من عند Mike sport يعني مرتب و مثلو مثل ايا لباس سباحة تاني بس مستر. و للأسف اول ما نزلنا عالشط، اجا Maitre-nageur و قلو لزوجي انو ممنوع المدام تنزل عالمي، سألو ليش قلو هيك القانون. بس طبعا انا طنشت و تركت ابني ينبسط بالمي. خاصة انو دافعين 250$ عالليلة و كنا حاجزين اكتر من ليلة. من بعدا اجا 3 اشخاص غير ال maitre-nageur و طلبو من زوجي انو المدام تطلع من البحر، رجع اجا المسؤول و اصر عهالطلب. قلتلو هيدا شط ملك للدولة و انا ما أسأت لحدا و بحقلي مثل اي لبناني انزل عالشط. كانت الحجة انو هيك القانون و انو بس تياب البحر مسموحة. مع العلم، و للمرة التانية، لي كنت لابستو مخصص للبحر. يعني حجتو كلا عبعضا مش زابطة. حاولنا نتوصل معو لحل، عرض انو ننزل عالمسبح الداخلي، يللي ما بتجي عليا شمس ولا في عالم يعني بمعنى تاني بدو يخبّينا، بس طبعا ما قبلنا لانو كان فيني سبح ابني بالبانيو بالبيت بلا ما ادفع دكة.

للاسف ما تركلنا خيار غير انو نفل و طلبنا منو يرجع المصاري بلا ما يخصم أول ليلة و هيك صار.

ما تصورت للحظة حدا ممكن يمنعني من انو انزل عشط طرابلس بسبب حجابي. كان في بكل بساطة يطنش، شايف انو أم و أب حابين يسبحو ابنن سوا و كان ابني كتير مبسوط بالمي. تاني مرة لازم تزيدو علائحة القوانين تبعكن كم centimeter من المدام لازم يكون مبين قبل ما تنزل عالمي. يا عيب الشوم عهيك عقلية متعصبة. انا بتأسف انو بعد في هيك نوع من التخلف بلبنان.

ما بينسكت عن هيك موضوع ابدا

بتمنى من الكل يفوت عصفحة Miramar و يترك bad review.

و عفكرة قلنالو للمسؤول انو حنكي عن لي صار معنا عالفايسوك والbooking و كان جوابو انو نحنا حرين نحكي لي بدنا ياه هوي ما في يمنعنا. يعني بمعنى تاني ما فرقت معو. يعني customer care و لا اروع """.

والجدير بالذكر أن دعوة نورا لترك تعليق سلبي على صفحة الفندق على فايسبوك الكثير من التفاعل، ما دفع القيّمين على الصفحة إلى إلغاء هذه الخاصيّة، فضلاً عن ما تم كتابته بتعليقات على المنشوارات السابقة والصور من انتقادات لاذعة واستنكار ما حصل، كمن الناشطين من علق أن "المحجبات لا يلوثن المياه بحال كانت نظيفة" وأخرى تسألت موبخة: "أذا انا محجبة، بحقلي آكل والله مش ضمن القوانين؟" و أخرى نعتتهم بالتخلف والجهل لدرجة التشابه مع داعش وقالت:" أنا برأيي خلوا داعش يجي يستلم الأوتيل". فهذا القليل مما ورد من تعليقات أخرى لا تعد ولا تحصى.

فمن واجب هكذا فندق أو غيره أن يقدم الصورة الأفصل كونه وجهة سياحية، خاصة وأن لبنان يضم العديد من الطوائف ولا يقتصر على واحدة دون الأخرى، وبالتالي يجب التنحي عن العنصرية و اتباع ما يتلائم مع كافة الحريات، للحفاط على نظرة ايجابية من ما يسمى " سياح وزائرين".
بنت جبيل.اورغ

Script executed in 0.20375490188599