بالفيديو المؤلم.. "كبير البيت" رمى بوالده السبعيني و امه المصابة بالسرطان في الشارع
الجديد
كمال اباظة اضطر يحط ولادو 5 سنين ببيت اليتيم لان والدتهن هيام عزالدين مريضة و معها سرطان وما قادر يلحق ... كان يجيبهن كل جمعة سبت احد عا بيتو و يطعميهن و يعييشهن عا قد ما قادر و يرجعو يتعلمو 4 ايام ببيت اليتيم ...
كلّو لهلق منيح لحد ما طلب كمال من ولد من اولادو يفوت عل جيش ليأمن ضمان لصحتو هوي و مرتو ولكن الولد ما كان يقبل و كان يمد ايدو عا بييو و يضربو اكتر من مرة ... و بس كبر و قرر يتجوز بلش عا اساس انو بيعيش مع اهلو بنفس البيت و بعد سنة زعب اهلو و كبهن بالشارع ...
ولك حتى بعد اللي عملوه فيهن ولادهن بعدهن محتفظيهن بصورتهم و صورة احفادهن ببيتهن الفقير المستأجرينو !!!
حسب زعم الوالد ايضا انو احد الاولاد مهدد ابوه بالقتل !!!
ما بعرف وين صرنا ... ولا بعرف وين ممكن نوصل بعد ... ولك في ناس بتتمنى يرجع الزمن فيها لحظة ليبوسو اجر ابوهن او امهن اللي توفت ... او حتى يطلبو منهن كلمة " الله يرضى عليك" ... نحن انتهينا خلص ... نحن مش بس صرنا بلا اخلاق و بلا كرامة ... مجتمعنا شوي شوي عم بيصير مجتمع تماسيح بلا قلب !
هل اب و الام لازم يكونو بعهدة جمعية تحميهن و تعطيهن الرعاية الكاملة و تحضنهن بآخر ايامهم ...
تعليق منقول من صفحة الناشط ذو الفقار حركي
