يا عيد فيك العالم التموا
والكل عيدية على ثمو
الا انا سرسبت عالسكيت
وعالقبر رحت بعاطفة ضمو
وحجارتو من لهفتي ضميت
ملهوف حتى بوسو وشمو
ورفعت ديي وللسما عليت
ودقات قلبي بلشوا يسموا
وخلعت نعلي وعالقبر صليت
ودموع عيني بالبكي همو
وبعد الصلى يا ميمتي شو دعيت
يرحم ثراب اللي القبر لمو
يمي بغيابك صار فاضي البيت
وما عاد بعدك اخوتي التمو
يمي بعد منك عطف ما لقيت
ومين اللي فيي قدك اهتموا
يمي على باب القبر دقيت
برمش عين دموعها انحمو
يمي ع بعدك اخ شو تمنيت
ارجع طفل وتفرجي همو
وودادي وكاغي بس لو يا ريت
وكلما وقع في حضنها تلمو
لولا بايدي ما كنت فليت
ولا سنين عمري بغربتي انسمو
وحسرة على غيابك كنت لاقيت
وحرقة لاني بموتك ما مشيت
و احمل نعش واحد خسر امو