يا ماما وينو جدو
مشتاقه نلعب حدو
يا ماما ليش الياهود
غاره ع بيتو ودوا
يا ماما جدو ختيار
شهم وما بيرضى بالعار
يمكن ليش ظلو بالدار
ع جدو بيتو هدوا
جدو ظل ببنت جبيل
فارس راكب صهوة خيل
الاعدا منو داقوا الويل
وحلفوا علينا يتعدوا
جدو ظلو بالحاره
وهوي وستي الختياره
ومن خبز الصاج والكاره
كانوا الابطال يمدوا
جدو كان من الفرسان
استشهد ت يبقى لبنان
ظلو يستنى العربان
عنا شي غاره يردوا
جدو علمنا بايمان
كيف بتنصان الاوطان
مات وعم يصرخ لبنان
باقي ومن الصعب تهدوا
باقي ومن الصعب تهدوا
( محمد العبد حوراني )
