تصبحو على تعتير.. امرأة مسنة فقيرة تبيع الورود على قارعة الطريق، ثم تغفو من الجوع والتعب !!

الأربعاء 20 كانون الأول , 2017 10:36 بتوقيت مدينة بيروت - شاهده 67,769 زائر

تصبحو على تعتير.. امرأة مسنة فقيرة تبيع الورود على قارعة الطريق، ثم تغفو من الجوع والتعب !!

نشر السيد ذو الفقار حركة على صفحته على فايس بوك ما يلي:

" حجة عم تبيع ورد بهل عمر و بهل وقت من السنة موضوع لحالو بيقهر و بيسمّ البدن ... كيف اذا قاعدة بنص الشارع بهل طريقة و غفلانة عا جنب الطريق ! ما بعرف اذا عندها ولاد ولا بعرف اذا في حدا بيعرفها ... جيت بدي وقّف صار يأشر الدركي عل موتسيك كفي كفي عجقت الدني وراك كل اللي قدرت اعملو هوي صورها بركي هل شي بيساعدها !

السير ماشي عادي ... الناس عم تمرق بشكل طبيعي ولا حدا استفزو الشي اللي شافو ... شو بعرفني وين صرنا و لوين رايحين ... 

البني ادم بهل بلد بيسوى قشرة بصلة ... بلد متناقضة فيه العيشة لدرجة انو في ناس مستعدة تحرق ١٠٠٠ دولار كرمال ليلة راس سنة ... وناس ما معها الف ليرة و نايمة بنص الشارع بآخر عمرها حد الوسخ و الزبالة بس لتبيع العالم ورد و يشمو ريحتو الحلوة !

#تصبحوعاتعتير

(الصورة هيدي برسم الجمعيات الانسانية ووزارة الشؤون الاجتماعية ... اخدتها بإيدي من ساعة ... آخر جسر المطار ميلة صبرا)

Script executed in 0.030523061752319