بالفيديو/ بعد انتشار فيديو لشابة رفضت مصافحة باسيل اثناء استلام شهادتها.. فانيسا تخرج عن صمتها وتوضح" انا ما سلمت مش لإستهزأ بالوزير.. انا هيك برتاح"!

الأربعاء 25 تموز , 2018 01:39 بتوقيت مدينة بيروت - شاهده 140,384 زائر

بالفيديو/ بعد انتشار فيديو لشابة رفضت مصافحة باسيل اثناء استلام شهادتها.. فانيسا تخرج عن صمتها وتوضح" انا ما سلمت مش لإستهزأ بالوزير.. انا هيك برتاح"!

بعد انتشار فيديو على مواقع التواصل الاجتماعي،  تظهر فيه احدى الطالبات في جامعة "AUL"-كسليك اثناء استلام شهادتها من الوزير جيران باسيل بحيث رفضت أن تصافح الوزير وأخذت شهادتها منه، وأكملت طريقها وصافحت بقية الحضور الواقفين لتسليم الشهادات.

هذا الفيديو أثار ضجة كبيرة على المواقع، الأمر الذي دفع الشابة فانيسا بالرد والتوضيح عبر صفحتها الخاصة على فايسبوك:"  الي حابب يعرف مين البنت اللي خيبت آمال الوزير جبران باسيل، بحب خبركن بكل فخر ومن دون تردد:

انا البنت اللي ما سلمت عجبران.
انا البنت اللي ما تصورت مع جبران.
انا البنت اللي متل ما اعتبروها "نتشت" شهادتها من جبران. 
بس قبل ما تعلقوا وتجلجقوها، 
عرفتوا ليش؟ 
لأنو ما بيشرفني استلم شهادة نضيفة بتأمّنلي مستقبلي على يد من شارك في صنع الفساد، اللي خرب مستقبل كتير غيري وعم بيقول انو عم يسعى لتأمين مستقبلنا وعم يوهمنا بأشغال كتيرة ومستقبل باهر.
انا ما سلمت مش لإستهزأ بالوزير، ما بالي صراحة بيوم تخرجي استهزء بحدا،
بس يا ناس انا حرة، وانا هيك برتاح، يعني كان ناقصني بعد جبران يعكرلي مزاجي، بس شكلي انا اللي عكرتلو مزاجو لهلقد مأثر.

والأهم من هيك، إنو أنا فتت بشطارتي وعلاماتي عالجامعة، فيُرجى تصحيح البوست بكل احترام لأنو كرامتي أبدى من إنو وطي نفسي وإترجا إنسان لو مين ما كان، كرامتي أبدى من وزيركم ومن حكيو الفارغ وكرامتي ما سمحتلي سلم حتى عليه. فبعتذر يا جماعة، القصة مش بإيدي.
اللي بريحني عملتو.

وبخصوص انو بتحبو تعرفو رأي الحكيم، نحنا مبادئنا كقوات لبنانية انو نكون صريحين وواضحين وما من "بيض طناجر" عالعالم وانا كنت صريحة مع الوزير. ما غدرت وما طعنت. بتضحكوا، اذا الواحد كان صريح وواضح مشكلة وإذا كان كذاب و"بييض" مشكلة أكبر."

لمتابعة اخبارنا على واتساب اضغط على الرابط التالي: https://chat.whatsapp.com/A9Rht16nuhA45nfbcIxXTw 

 

 

 

 

Script executed in 0.031601905822754