6 جمل يقولها "اللبناني" ومعناها في الحقيقة.. "خليا عليي هالمرة" الترجمة: "بترجاك خيي ما تقبل"!!

الأربعاء 05 أيلول , 2018 01:15 بتوقيت مدينة بيروت - شاهده 31,393 زائر

6 جمل يقولها "اللبناني" ومعناها في الحقيقة.. "خليا عليي هالمرة" الترجمة: "بترجاك خيي ما تقبل"!!

اللبناني إنسان لطيف عموماً... وأمرار بكون كتير لطيف، لدرجة إنو بقول شي وهوي قصدوا العكس تماماَ. خلينا نعترف إنو في شيفرة سرية بين الناس، بيفهموها عبعضن، بدون ما يضطروا يكونوا كتير صريحين.

خلينا نشوف ٦ مجاملات لبنانية كتير مشهورة مع شو المقصود عن جد:

١- "مش مهم إذا بنت أو صبي، المهم خلقة كاملة”

الترجمة: رح إزعل كتير إذا بتطلع بنت، بس ما بسترجي قولا بسنة الـ ٢٠١٨.

٢- "يللا واصل”

الترجمة: بعدني مش لابس. بصراحة، كنت ناسي موعدنا اليوم، وعم جرب لحق حالي بآخر تكة.

٣- "يلي ما بيسأل عنك، سآل عنو”

الترجمة: ما بحب إحكيك، ولا بحب تحكيني، وعم بجبر حالي إفتح حديث معك بس لبين إنو أنا يلي عقلي كبير وبفهم.

٤- “منزبطا"

الترجمة: تنيناتنا منعرف إنو هالشي مش رح يصير، بس هيك بكونوا المهذبين.

٥- "خليا عليي هالمرة”

الترجمة: بترجاك خيي ما تقبل. عم سايرك والله. كل يلي معي ما بيطلعوا نص الفاتورة.

٦- "نو واي شو مهضوم!”

الترجمة: يخرب بيتك ما أتقل دمك! 

(بيروت.كوم)

Script executed in 0.023971080780029