صورة قاسية لكلبٍ ميّت مربوط بسيارة في بر الياس..."جروّه حتى الموت" وإحداهن تعلّق "يلي بيعمل هيك بحيوان عادي يجي يوم ويعمل نفس الشي بإنسان"!

الخميس 14 آذار , 2019 04:59 بتوقيت مدينة بيروت - شاهده 8,207 زائر

صورة قاسية لكلبٍ ميّت مربوط بسيارة في بر الياس..."جروّه حتى الموت" وإحداهن تعلّق "يلي بيعمل هيك بحيوان عادي يجي يوم ويعمل نفس الشي بإنسان"!

نشرت ناشطة عبر حسابها على فيسبوك صورة لكلب ميت، كتبت أنها التقطتها اليوم في بر الياس - البقاع. 
وكتبت "الصورة اليوم بالبقاع- بر الياس لكلب انربط بالسيارة وضل ينجرّ كل الطريق لحتى مات.
أوعا حدا يعترض. عيب. في ناس ما معها تاكل."

وأوردت الشابة "لمّا نعلّق على حدا بيلبط بسينة بإجرو أو بيرشق كلب بحجر، العالم بتتمسخر، وبيقولوا انو في أمور أهم بكتير ينحكى عنها وانو في ناس قاعدة بلا أكل الخ.. يعني الكلام التافه نفسه كل مرة.
رغم انانيتهم وقلة تفكيرهم الا بحالهن، بينسوا انو اللي بيعمل هيك هلأ بيعمل اكتر بكتير بعدين، وانو اللي بيعمل هيك بحيوان عادي يجي يوم ويعمل نفس الشي بانسان اذا اضطر (أو اذا زهق حتى) ، لأنو معوّد عالاجرام والعنف والاستخفاف بالأرواح."
ولم ترد أي تفاصيل إضافية حول الصورة.

Script executed in 0.080888986587524