ضاع الحكي عالتم يا امي

الإثنين 02 شباط , 2015 03:00 بتوقيت مدينة بيروت - شاهده 5,893 زائر

ضاع الحكي عالتم يا امي

زدتي يا امي هم ع همي

وضاع الحكي عالتم يا امي

وما عاد يمي تطلع الكلمات

وصرتي صلا وايات ع تمي

بيي قبل منك يا امي مات

وما عاد لا بيي ولا عمي

وما بعتقد ايامنا الجايات

بعدك يا امي ترجع اللمة/ي

يمي قطار العمر ولى وفات

ومنو شو باقي بطل مهمي

صرنا يا امي بنحسب الساعات

وكافي الغربة عوكرت دمي

شو نفعها لو نجمع الليرات

كبرنا يا امي وثقلت الهمي

يمي بغيابك نشفوا الدمعات

وبحلف عليكي رح بنبكي العمر

وبعدك ل مين بقول يا امي


محمد العبد حوراني - بنت جبيل.اورغ  

Script executed in 0.022198915481567