من عنا الاصاله

السبت 21 آذار , 2015 03:00 بتوقيت مدينة بيروت - شاهده 2,680 زائر

من عنا الاصاله

عجيبة يا دني حالك عجيبة

وغريبة صارت امورك غريبة

رفعتي ال ما بيسوى للعلالي

وسرقتي يا دني مني حبيبي

الدهر غدار صرت بهيك حالي

الغدرني وخاني كنلي قريبي

وصدق اللي قال لا عمي ولا خالي

بينفع عند ما تحل المصيبة

يا رزق الله ع ايام الخوالي

ان بنينا بيت يجتمعوا الشبيبة

وعلى لم القمح كانوا الاهالي

عوني يعملوا لجمع الصليبي

وكنا نشوف ملياني الحقالي

بشيوخ ضيعانا ال بتفور طيبه

وراعي بالعتابا بصوت عالي

يصرخ اوف يالله عالحليبي

ويا ليلى الدست عالتنور عالي

ويا امي اكل لللاْحباب جيبي

نحنا هيك من عنا الاصاله/ي

فينا وما تعودنا الهريبي

نحنا من جبل بو ذر غالي

مقلع للكرامة والكتيبة/ي

رح يظلوا باْذن الرب عالي

الله حافظو باهلو النجيبه/ي

وانا ال ما ركعت عمري لراس مالي

ما بركع غير للمولى حسيبي

وما برضى عيش ع انسان عاله/ي

وبقنع شو عطاني خير ربي

لاْنو قسمتي وهيكي نصيبي


Script executed in 0.047500133514404