هذه هي تعليقات اللبنانيين الساخرة على الطقس الناري

الثلاثاء 19 أيار , 2015 11:00 بتوقيت مدينة بيروت - شاهده 24,600 زائر

هذه هي تعليقات اللبنانيين الساخرة على الطقس الناري

دفع الطقس "الناري" اللبنانيين إلى تناقل صوَر وتعليقات ساخرة على مواقع التواصل الإجتماعي، فخفّفوا من حرارة الطقس التي لامست الـ50 درجة مئوية بخفّة ظلّهم. ولامَ بعض الأشخاص الدولة على عدم إدراج أي مادّة في قانون السير الجديد، تُلزم سائق سيارة الإجرة أن يشغّل مكيّف الهواء في الطقس الحار، فيما رأى بعضهم الآخر أنّ عدم إنتخاب رئيس جمهورية سببه "كِتر الشوب". ومن التعليقات الساخرة طالعناها:

- مصلحة الأرصاد الجوية : درجة الحرارة الآن في بيروت لامست 49 درجة مئوية... يلا غنو معي نار يا حبيبي نار.

- معقول ما حطوا بقانون السير الجديد مادّة بتجبر شوفرية التكسي يدوّرولنا المكيّف! شو هالدولة اللي بتطنّش هيك شي مهم! رح نولع!

- من كتر الشوب بتحس إنو الشمس طالعة علينا هيي وولادها ... 

- تحية من قلبو لقلبي لكل حدا ماصوّر درجة الحرارة وزرعها هون وهون.

- في كندا يرمون الماء المغلي في الهواء ويصورونه وهو يصبح ثلجا في اقل من ثانية من شدة البرد ،، قريبا سنريهم في((لبنان)) كيف نرمي الدجاجة مجمدة في الهواء و تنزل مشوية مع أربعة بيبسي .....

- ضليتو تنقو عالشتوية  لحتى نزلت جهنم  شخصيا" لعنا مبسوطين يا نقاقين .. 

- بهيك طقس ركز على "ريحتك " و انسى ثقافتك - شحرور للعطورات.

- الربيع الفائت، كنا بالإمارات وقال شو بلش الشوب ونقول الله يعينهم كيف عايشين بهالطقس ما في احلى من لبنان. واذ الفرق انه هونيك التكييف والكهربا 24/24 وعنّا أدوات التكييف من مكيفات ومراوح لولا الـ4 ساعات استخدام كنا بنحطهم بالمتحف.

نيال اللي عنده مرقد عنزة ب #‏دبي #‏ابو_ظبي #‏عجمان ... واي بلد بيحترم نفسه وشعبه.

- الأجمل من هذا كله، أني لا أخرج من الغرفة، اتكور في السرير، أغلق النوافذ ولا يتسلل اليّ شيء من هذا الحر.

- هذه ليست جِدّة، هُنا بيروت!

كما ظهر على "تويتر" هاشتاغ #من_كتر_الشوب، التي أرفقها المغرّدون بصوَر وتعليقات ساخرة:

- قد ما صار فيها جهنم ارهابين وفطايس داعش بطل يتسكر بابها 

Script executed in 0.02915096282959