جدار

السبت 05 أيلول , 2015 03:00 بتوقيت مدينة بيروت - شاهده 2,869 زائر

جدار

قومي !!! افتحي التلفاز عالاخبار

برلين هدوا سورها من سنين

ونحنا السرايا عمرولا جدار

 

معقول !!! يا ستي شو عما تقول؟؟؟

مش عيب كلتهم ولاد اصول

وهيدا يا ستي الحيط مش حيطول

وما في جدار انحط الا !! اْنهار

 

روحوا يا ستي !! ظلكم هونيك

وايدك بايدو لصاحبك خليك

روحوا يا ستي ربنا يحميك

وما تخاف لولا قوصوا بالنار

 

شو قولتك بكرا رح يفلوا ؟؟؟؟؟

ومعقول هني يرجعوا يظلوا

قولك متى؟؟ عنا رح يحلوا

صلي يا ستي وقول يا ستار

 

انقلبت يا ستي هالدني كلا

والا اله الكون ما حلا

ادعي يا ستي ال بالسما تعلى

يبعثلهم من فوق قصف عمار

 

وعالاْرض عمرو ما ظلم بيدوم

والله يا ستي بينصف المحروم

ادعي يا ستي هالقيامة تقوم

اشرف ما نبقى بهالحياة حجار

 

محمد العبد حوراني

Script executed in 0.031016111373901