قال رئيس الحكومة السابق سعد الحريري في دردشة مع الإعلاميين: "هلأ فجأة صار سيدر هو الحل.. إذا هيك ليه ما طبقناه من سنتين؟ نحنا ببلد منحب نضيّع الفرصة، فبدل ما تكون الاستفادة من ١١ مليار عم ينزلوها للـ ٨"
ولفت الحريري : أزمة الكهرباء قائمة و"ما يرجعني باسيل عالتاريخ احسن ما ارجع عالتاريخ" وهناك خطط كان يجب أن تُنفذ ومن عرقل "سيدر" هم من كانوا ضد الإصلاحات.
وأشار: لا أريد الانتقاد لمجرد الإنتقاد ولكن أرى أن كل طرف في الحكومة يتحدث بعكس الآخر وحتى الأطراف السياسية "كل واحد عم يحكي شي" بموضوع الخطة الإقتصادية.
وقال الحريري: عن الهجمة على الحريرية السياسية، شو بدكن تحاكموا رفيق الحريري؟؟ نحنا بدنا نفوّت الفاسد عالسجن، بس مش فاسد يفوّت الآدمي عالسجن.
وتابع : باسيل حكى وخصص المسيحيين للدعوى للحوار.. واذا بدنا نكفي بهالتفكير وبهالعنصرية بده يطير حقوق المسلمين وحقوق المسيحيين.
وأضاف: المشكلة بطريقة مقاربة الأمور.. "ما فيك تقول بدك تروح على سيدر وتعادي الخليج والمجتمع الدولي.. هيدا الموضوع في جزء منه على حزب الله وفي جزء تاني بيتحمله التيار الوطني الحر اللي عم يبهدل اللبنانيين بالخارج".
واشار: سوق سوريا مهم بس لما يكون في نظام موجود.. بس نقلب نظامنا الاقتصادي الى نظام متل سوريا هيدي مش واردة.
وقال الحريري: "أنا ما كنت قادر سكّر الحدود لأن كان في مصالح بين السوريين وبين اللي بيشتغلوا معن كانوا أقوى مني.. وجزء منن هو حزب الله".
وتابع: "كل واحد بدّه يعمل الإصلاح على طريقته وما بيمشي الحال هيك.. ودول الخليج اليوم تنظر الى انه لا ثقة في هذه الحكومة"