"بطلة" على طرقات بيروت..سائقة سيارة أجرة تكافح الظروف: "لو شو ما كان الظرف نحن منسعى، بس نسعى لحالها بتتيسر..يمكن يكون في قدامك كنز وانت عليك تمشي شوي"

نشر أحد الناشطين عبر حسابه على "فايسبوك" صورة لإمرأة تعمل سائقة سيارة أجرة في بيروت، وعلق بالقول: "اليوم فعلًا كان صباح الخير. كنت ضاهر من مفرق بيتي على طريق المطار وبتوقفلي سيارة تاكسي فضّية. اتطلّعت هيك عالسواق و إذ بلاقي حجّة هي اللي عم تسوق. حسيت ب شي جميل جدًا لدرجة انو طلعت قبل ما قلّها لوين، وهي انبسطت كمان. تحدّثنا الحديث اللي بيتحدثوه كل الناس هالفترة عن الوضع، بس الشي الملفت لي قالتلي اياه، انو" لو شو ما كان الظرف نحن منسعى، بس نسعى لحالها بتتيسر، يمكن يكون في قدامك كنز ناطرك وانت عليك تمشي شوي"".