71,400 مشاهدة
A+ A-

نشر مركز سرطان الأطفال ما كتبته "مينيرفا" وهي شابة  تتعالج من مرض السرطان في المركز، وجاء في المضمون: "٣ سنين تعب ،٣ سنين وجع،٣ سنين عذاب، بس كمان ٣ سنين امل و ايمان و صبر، ٣ سنين اهل و اصحاب  وحب ما بيتقدر بثمن، ٣ سنين امتحان من الله ، وشو حلو هالامتحان! شو حلو لما تشوف اصحابك واهلك ورفقاتك حدك باصعب مرحلة عم تقطع بحياتك، شو حلو تتقرب من ربّك و تشكرو على كل شي  وشو حلو لما تعرف انو الله هوي السند الوحيد بالحياة وانو ع  قد ما بحبك ع  قد ما بجربك.  شو حلو لما تنوجع وتتعذب وتوصل عالموت وترجع و ما تلاقي الّا ربك معك وانو ما بيتركك حتى بأصعب الحالات..ما اجمل ابتلاء الله و ما اقبحك يا سرطان".

وعلق المركز بالقول: "بس تفكروا بصعوبة الحياة، فكروا بمينيرفا. بس تفكروا بقوة الإيمان، فكروا بمينيرفا. بس تفكروا بيومياتكن فكروا بأهلها واصحابها لمينيرفا. لتقطع صبية حلوة بكل هيدا وتضل تقدر تبتسم وتضحك هي معجزة. معجزة برتبة مينيرفا.١٠ عمليات، ١٣٥ جلسة علاج كيميائي، ٢٠٠٠ حبة دواء، ١٠٩٥ يوم، ٣ سنين، ٣ مرات خسرت كل شعرها والمركز ما تركها. شكرا لكل داعمين المركز لأنو ما تركتونا لنقدر نحن نكون حدها لمينيرفا، دايماً".

"مينيرفا" مثال حي للأمل ولمحاربة السرطان بالإيمان وأنها مجرد معركة ستربحها حتماً لو مهما طالت.


تغطية مباشرة آخر الأخبار

  • وزارة الصحة تعلن عن 11 وفاة و 1478 إصابة بفيروس كورونا في لبنان خلال 24 ساعة
  • وزير الثقافة نعى مدير الكونسرفتوار "بسام سابا" بعد وفاته بـ كورونا: برحيله يفتقد لبنان موسيقيا ربط بموسيقاه واعماله الشرق والغرب تتمة...
  • وفاة مدير المعهد العالي للموسيقى "الكونسرفتوار" ​​بسام سابا​ متأثراً بإصابته ب​فيروس كورونا​ تتمة...
  • إردوغان: نأمل أن "تتخلص" فرنسا من "عبء" ماكرون في أسرع وقت ممكن تتمة...