لبنان: 96171010310+     ديربورن: 13137751171+ | 13136996923+
73,380 مشاهدة
A+ A-

في أيام الإقفال تكثر "مشاوير" اللبناني ويبدأ بتأليف "الحجج" والأسباب لكي يستطيع التجول والمرور عن الحواجز.

وفي هذا النطاق، كتبت الاعلامية رشا الزين عبر حسابها على فيسبوك قائلة: "ع قد ما بتسمع خبريات و حجج عالحواجز بينعمل روايات قصيرة عن إبداعات اللبناني مثلا مبارح مارق شخص و معه مرتو...ببين للاعمى ع شوي كيف خبط مرتو و صار يقلها ابكي ابكي...قبل الحاجز بشوي صغيرة...عاساس تفاجأ الاخ...بتصير هي حرام محتارة تبكي ع حظها بهيك رجال او تمثل...بيوقفوا عالحاجز...بقلووو شو الوضع لوين بس؟ رقم مفرد و بلا كمامات...و اي الولاد ورا بحالة صدمة..واحد ماسك كيس تشبس وقت خبط بيو امو علقت التشيبساي بتمو و فتحوا...المهم بقلووو عالمستشفى مدري شو بهااا عوارض كورونا و هي حامل...بيضحك اللي عالحاجز و بقلووو انت بس بهالنقطة هون رقم ٧ اللي مش عارفة مرتوو تعيش الدور عاليمين صف و ٥٠ الف غرامة. هيدا غير اللي رايح عالمطار و هو شو جاي من ميلة بيروت يعني خط الاولي باتجاه صيدا و لا معه شنط و لا شي...بقلو لوين؟؟؟ قال عندي طيارة و ماخر دخيلك...قال طيب حنتغاضى ع اتجاهك حاليا وين التيكيت؟؟؟ الجواب التقليدي المستهلك....مين بعد بيمسك تكت هههه كلو عالسيستم هونيك ف قد ما مهضوم اللي عالحاجز او مارق عليه هيك مساطر بقلوو هههه و وين و التيكيت اللي اتبعتت ع تلفونك الذكي اكثر منك".


تغطية مباشرة آخر الأخبار

  • وزير النفط العراقي يبدي "كل إيجابية ورغبة في التعاون واستمرار العمل باتفاق عقد توريد الفيول الموقع بين العراق ولبنان" تتمة...
  • «الدعم الكامل لعلاج غسيل الكلى مستمر 100%»... وزير الصحة: ليس من خطط لرفعه تتمة...
  • ‏محافظ بعلبك الهرمل: الجريمة المروعة والمستنكرة التي حصلت في القاع أصبحت بين يديّ العدالة... المجرم لا يمثل الا نفسه وسيدفع الثمن تتمة...
  • بالفيديو/ توتر وتدافع بين الجيش اللبناني ومتظاهرين أمام مبنى شركة "تاتش" تتمة...