لبنان: 96171010310+     ديربورن: 13137751171+ | 13136996923+
11,497 مشاهدة
A+ A-

كتب دافو ملاحي، شقيق شهيد الدفاع المدني الذي رحل في انفجار مرفأ بيروت في 4 آب رالف ملاحي عبر حسابه الخاص على انستغرام معايدا شقيقه، الذي كان يجب أن يحتفل بعيد ميلاده الـ24 أمس.

وجاء في المنشور: "رالف حبيبي .. بكرا عيدك يا خيي هيدي أول سنة ما رح نعيّد سوا يا حبيبي ! يا خيي والله عم يتقطّع قلبي ع غيابك كل يوم أكتر من يوم .. يا عمري شو اشتقتلك ... أووووف شو اشتقت لريحتك؛ حلمي لو فيي أغمرك وشدّ وما خليك تغيب عني ، لو بقعد إحكي دهر ما بقدر أوصف قديه اشتقتلك ! رورو يا قلبي هيدا أول عيد إلك بالسما وما بقدر أوصفلك هالحرقة يا خيي ، شو صعبة يا روح خيّك إني عم قصّ قالب الغاتو وإنت مش معي ! مش قادر أغمرك وشمّك وقلّك عقبال المية يا خيي! كسرولي ضهري يا سندي وحرقولنا قلبنا يا خيي والوجع كل يوم عم يزيد... ما بقى بدي إحكي أكتر وزعْلك بعرف إنك زعلان على وجعنا بغيابك ! إنت أكيد بمحلّ أحلى من هون.. إنت ملاك يا خيي. حرموك تحتفل بعيدك وإيامك معنا، إنت هالسنة مش هون حتى تقصّ قالب غاتو عيدك وتتمنى .. اسمحلي إتمنى عنك يا خيي ؛ أخدوا منك حياتك وغدروك يا ملاك، بس أنا بدي إتمنالن طول العمر ويعيشوه ب وجع ما بعدو وجع وب ذلّ ما بعدو ذلّ ، بتمنالن القهر ويحترق قلبن بكل ثانية ومع كل نفس يعيشوا المرّ والجحيم ! اللي غدرك يا عمري بيلبقلو يعيش جهنم بالدني وبالآخرة ! رورو يا وجع العمر يا عيون خيّك، كل عيد وإنت بأمان مع يسوع والعدرا ... يا روحو لخيّك"

 

 

 

 


تغطية مباشرة آخر الأخبار

  • غارة جوية جديدة تستهدف اطراف بلدة شبعا
  • قصف مدفعي يستهدف جنوبي الخيام و مرتفعات جبل سدانة في أطراف كفرشوبا و الهبارية
  • الطيران الحربي الاسرائيلي اغار على عدة دفعات مستهدفاً وادي بلدة شبعا
  • إعلام عبري: صفارات الإنذار تدوي في مرجليوت في إصبع الجليل عند الحدود اللبنانية الفلسطينية.

زوارنا يتصفحون الآن