14,443
مشاهدة
نشرت الناشطة البيئية فاديا نعمة جمعة عبر حسابها على فيسبوك قصة إنقاذ نورس على شاطئ صور حيث انه لم يكن يستطيع الطيران والتحرك فأخذته لمنزلها واهتمت به وأعادت الحياة له.
وكتبت: "قبل أربع أيام اتصل فيني (س. خ) شرطي من بلدية صور وقلي انه عالشط في نورس ما عم يقدر يطير ولا يمشي كان الوقت صار متأخر وما بقدر اضهر بسبب منع التجول طلبت منه يتركه جنب المحمية، ليلتا كتار من الناشطين والناس اتصلوا فيني لنساعده بس ما كان في إمكانية اوصل لعنده لتاني يوم الصبح نزلت وراح معي الياس شرطي بلدي دايما بيساعدني بمتل هالحالات..اول ما وصلنا صارت الناس تخبرنا انه في نورس بده مساعدة ويسألونا اذا جايين كرماله وكمان خبرونا انه في سلحفاة بحرية ميتة بالمنطقة، انا والياس كفينا لعند النورس وبالفعل كان وضعه كتير صعب وما بيتحرك تفقدته وما لقيت اثر لجروح فيه.
حطيته بالقفص وكفيت طريقي لقينا السلحفاة دفناها لانه ما ما كان في إمكانية لتشريحها واخدت النورس ع بيتي لاهتم فيه وقدمله المساعدة اللازمة..كنت كتير خايفة ما يتحسن وضعه بس الحمدلله من تاني يوم بلش ياكل ويجرب يوقف ع اجريه ويرجع يقعد بمحله. اليوم الخبر احلى والنورس قدر يوقف وعم يجرب يطير وقريبا جدا بس يصير جاهز رح رجعه عالبحر مطرح ما لقيناه. بدي اتشكر كل حدا اتصل فيني وطلب مني نساعده وبدي قول انه بزمن الكورونا الله بعت هالنورس ومعه رسالة حب وفرح، اليوم انا وولادي مبسوطين لانه عم يتحسن وناطرين يرجع يطير لنفلته وبتمنى بهالوقت تحديدا انه نلتفت كلنا لنحمي طبيعتنا طالما قادرين نكون ايد للخير ما نتردد بالمساعدة لانسان او حيوان ما بتفرق..".
لمتابعة آخر التطورات لحظة بلحظة عبر قناة موقع بنت جبيل على واتساب:
تغطية مباشرة
-
حين يصبح الهراء مهنة: كتاب جديد يضع الإعلاميين وصنّاع المحتوى أمام المرآة تتمة...
-
بالصور / الشاعرة والإعلامية د. عبير بلال شرارة توقّع إصدارها الشعري «انقلاب على ميّت» في معرض بيروت العربي الدولي للكتاب تتمة...
-
في ذروة حملة لتصوير شراء «فئة من اللبنانيين» عقارات في مناطق معيّنة على أنّه «خطر ديموغرافي»... «الأخبار» تكشف: وزير العدل يعلّق حق التملّك على إذن البلديات! تتمة...
-
الجيش اللبناني يُتلف 14 خيمة مزروعة بـ «الماريجوانا» في بعلبك! تتمة...
