بين شتورة وزحلة.. عصابة مسلحة ورصاص وضرب ومشهد مؤسف حصل امام الاطفال عند الفجر!

نشر أحد المواطنين ويدعى هادي بريطع  حادثة مؤسفة حصلت بين شتورة وزحلة حيث ان عصابة مسلحة ورصاص وضرب ومشهد مؤسف حصل امام اطفال عند الفجر.

وفي تفاصيل الحادثة كتب عبر حسابه على فيسبوك: "بلبنان ما بق فيك لا تزعل ولا تنبسط بتمنى من الكل يقرأ للآخر لأنو عنجد شي مقرف عالآخر مبارح بتاريخ ٩/٨/٢٠٢٠ كان عرس أخي وصديقي على محمود بريطع على اختي وبنت عمي ملاك سالم بريطع وكتار بيعرفو لعلوشي بروحو الحلوة والطيبة والنخوة وواجباتو ولهفتو عالكل والغريب قبل البعيد وملاك الحلوة والقلبا مليان حب والعرس كان على ضفاف نهر العاصي بمنطقة الهرمل الكل انبسط وسهر وغنينا ودبكنا لآخر الليل والكل فل مبسوط للعرسان بس الشي المؤسف يلي صار انو لما اختها للعروس تنطر ليخلص العرس كرمال تنزلها فستان العرس على بيروت لتردو لصاحبو الصبح وهني على الطريق بتمام الساعة الثالثة فجرا ولما وصلو على طريق مكسة يلي موجودة بين شتورة وزحلة بيتفاجؤو بعصابة مسلحة بتوقفهم وبتقوص الشوفير يلي هو جوز اختها للعروس ب اجريه قدام ولادو يلي كانو معو بالرانج يلي نزل يدافع عن عيلتو من العصابة والبنات يلي يالسيارة فاطمة بينضربو من العصابة كمان قدام ولادها الصغار يلي أعمارهم ما بتتجاوز ال ٨ سنين واختها الثانية للعروس ريم بريطع هي وخطيبها كمان بيتعرضو للضرب برغم انو خطيبها لريم حسن شهاب عامل عملية رباط صليبي وغضروف وحاطط جهاز باجرو وما في يمشي إلا عالعكيزات بصعوبة بتقوم العصابة بتكسرلو العكيزات وبيضربو بالفرد على راسو وبغيب عن الوعي والشي يلي بيقطع القلب كلو قدام الولاد رغم انو صاحب السيارة حسن حاوي جوزها لفاطمة اخت العروس نزل وقلهم خدو السيارة ويلي بدكم ياه بس ما تقربو على عيلتي حصيلة الفاجعة كانت سرقة الجيب x5 مودال ٢٠١٠ بما فيه من فستان العرس وفساتين السهرة والذهب يلي كانو لابسينو والمصاري يلي معهم والتلفونات إصابة حسن حاوي برصاص باجريه ضرب فاطمة وريم بريطع وضرب حسن شهاب حتى الإغماء ورمي جميع أفراد الأسرة بالطريق مصابين من دون ما حدا يتطلع فيهم والفاجعة الأكبر المشاهد العنف والقواص لأهلن يلي شافوها الولاد قدام عيونهم والأصوات يلي سمعوها انا واثق انو هالصورة ما رح تنشال من مخيلتهم أبدا. هيدي عيلة كانت حابة تطلع وتنفس عن حزنها بفرحة اختهت بعد كل الغيمة السودا يلي مرقت على لبنان السؤال هون مين يلي بياخدلهم حقهم؟ كيف بدهم يآمنو بلبنان بعد؟ مين بحاسب العصابة؟ مين بيقدر يخلّي الولاد الصغار ينسو شو شافو قدام عيونهم عذرا يا وطن صرنا عايشين فيك بمزرعة وبطّل فيك أمان".

وبعد تواصلنا مع هادي أشار الى ان حالة الجرحى مستقرة الآن وهم في احدى مستشفيات بعلبك وناشد المعنيين وضع حد للتفلت الأمني الذي لم يعد مقبولاً.

---