لبنان: 96171010310+     ديربورن: 13137751171+ | 13136996923+
61,443 مشاهدة
A+ A-

كتب خال الشاب رولاند بدور الذي أصيب أمس في إطلاق نار في الحمرا عبر حسابه على فيسبوك: "بدي خبركون قصة صغيرة عن هيدا الشاب إلي موجود بالصُور ...! هيدا الشاب اسمه رولاند بدّور .هيدا الشاب هلق صار عمره بس ١٩ سنة .هيدا الشاب هوا رجّال من صغره (قدا و قدود) .هيدا الشاب ما بيتعّدى عحدا ولا بخلي حدا يتعدى عليه.. منيح كتير وكل العالم بتعرفه وبتحبه.هيدا الشاب بينزل من الجبل عبيروت (العاصمة) ليشتغل ليأمن مصروفه و يكفي علمه .هيدا الشاب في أمرار يوصل الليل مع النهار ليأمن لقمة عيشه ألو و لأمه و أخته ..هيدا الشاب مبارحة عشية بمنطقة الحمرا واقف هوي وصاحب الأوتيل أو المطعم إلي بيشتغل في (عالمدخل)بيمرقوا شخصين أجانب عم يختلفوا مع بعض بنص الطريق و بهاي اللحظة بيمرق شخص راكب على موتو او موتسيك إلي هوي .. و بيطلق النار عليهم و بصيب هيدا الشاب بخصرته و بفخذه !!!!.هيدا الشاب شو ذنبوووووه! هيدا الشاب بكون (إبن أختي )حبيب قلب وروح خاله... هيدا الشاب أمانة برقبتي ليوم الدين ... هيدا الشاب هلق هوي بالعناية الفائقة عملوا له كم عملية بس ليوقف النزيف و الحمدالله وضعه مستقر لهاي اللحظة اليوم رح يشوفوا وضعه اذا بيسمح يكفولوا العمليات ...! الله يشفيك يا حبيبي و ترجعلنا بخير وسلامة و شكراً كتير لكل شخص اتصل فينا ليطمن عليه و لكل حدا ساعد هيدا الشاب ولكل شباب و صبايا ضيعتي و أصحابه لرولاند .. وآخر شي عذراً عالإطالة عليكم بدي قول لدولتي الفاسدة و لكل المسؤولين بلبنان لأي متى رح تضلكم مستهترين و مستهزئين بالشعب ، أي متى بدكن تتحملوا مسؤولياتكم، لأي متى بدوا يضل السلاح المتفلت بأيادي العالم الزعران، يا مجرمين يا سفاحين ، أي متى بدنا نحس انو عنا بلد لنرجع نعيش فيه، لأي متى بدنا نضلنا بعاد عن أهلنا و أحبائنا و بلدنا".

وعلق الإعلامي جو معلوف على الخبر عبر حسابه على تويتر قائلاً: "رولاند يصارع الموت في بلد التفلت ومنطق السلاح والأمن بالتراضي، رولاند يصارع الموت في بلد حكامه قتلونا جميعاً بطريقة او بأخرى. صلواتنا لرولاند و دعواتنا على حكام لبنان. كل ضحية برقبتكن".

والجدير بالذكر ان قناة الجديد قد أفادت أمس عن إطلاق نار في احد الشوارع بمنطقة الحمرا في بيروت واصابة شخصين ومعلومات اولية تفيد بأن الاشكال يعود لخلفيات شخصية.

وأشارت القناة أن مطلق النار في منطقة الحمرا فرّ الى جهة مجهولة والقوى الامنية حضرت الى المكان. 

 


تغطية مباشرة آخر الأخبار

  • في عين الحلوة.. أطلق النار احتجاجًا على اتهامه بـ "إطلاق النار"! تتمة...
  • مسلسل الإجرام بحق النساء مستمر: مقتل شابة أردنية على يد زوجها بـ16 طعنة في الإمارات! تتمة...
  • بالفيديو/ مجموعة شبان يطلقون على أنفسهم "جنود الرب" يزيلون لوحة ورود بألوان علم "المثليين" في الأشرفية رفضًا لمظاهر الشذوذ تتمة...
  • شيخ العقل أثنى على قرار منع حفلات الشذوذ: حريات مصطنعة مخالفة لمبادئ الأديان والقوانين الطبيعية تتمة...