تخبزوا بالأفراح...الشعب اللبناني ينعى "المنقوشة" ويقف على أطلالها: الدولة بدّا تعملنا دايت وعروضات على مناقيش مستعملة بأسعار مغرية..وحتى ترويقة الفقير صارت كماليات!

ما ان انتشرت الأخبار عن احتمال رفع الدعم عن الطحين والإبقاء فقط على دعم الطحين المخصص للخبز العربي حتى بدأ الشعب اللبناني بنعي "المنقوشة" والوقوف على الأطلال والتحسر على الأيام التي كان سعر "المنقوشة" لا يتجاوز الألف ليرة لبنانية.

وكعادته يحول هذ الشعب مصائبه وأزماته الى مادة للسخرية والـ "تنكيت"، فاجتاحت مواقع التواصل الاجتماعي صور المنقوشة مع عبارات "مضحكة مبكية" في الوقت ذاته.

فأحد الناشطين كتب: "كل ما اتذكر اني كنت كب حرف المنقوشة بختنق وبجي لابكي".

وبعضهم عرض "منقوشة مستعملة" للبيع بسعر مغري, وآخرون أرفقوا صور المناقيش بأغاني حزينة.

كما كتب الناشط ذوالفقار حركة: "ما شفت ولا رح شوف نهاية لشعب اوسخ من نهايتنا ولا حكام اوسخ من اللي حاكميننا ... بالوقت اللي قالب الجبنة بيجيهن ع قصورهن من سويسرا و اللحم الغنم بيعملوه طازة وقت يتطهر ولد من ولاد ولادهن مستكترين عولاد للناس ياكلو منقوشة بالفرصة او عل معتر اللي عم يشحد الالف صار انو ياكل منقوشة زعتر تسدلو مصارينو كم ساعة زمان عبال ما يرجع ع بيتو لياكل ايا شي من قريبو".

والجدير بالذكر ان وزارة الاقتصاد نفت رفع الدعم عن الطحين كما أشيع ولكنها ذكرت ان الموضوع مطروح وسيجري اليوم اجتماع في الوزارة مع أصحاب المطاحن للبت في الأمر.

وهذه أبرز ردات الفعل:

(رصد موقع بنت جبيل)

كل ما اتذكر اني كنت كب حرف المنقوشة بختنق وبجي لابكي..????

— الحج تاغ. (@HousseinHamdan3) December 7, 2020

وبعد ان كان حلمنا غزو الفضاء واكتشاف الكواكب في الستينات اصبح اليوم كيفية تأمين المال لأكل المنقوشة #رفع_الدعم #صباح_الخير pic.twitter.com/oaaCM6iNsO

— هشام الاسمر (@hicham789k) December 8, 2020

ليكن الشعار
المنقوشه فوق كل اعتبار#ضد_رفع_الدعم pic.twitter.com/y81z1BE8SZ

— Mohamad (@Mohamad44700684) December 8, 2020

لو بيحبك بيعزمك ع منقوشة...
????????

— wisso (@wissam12719) December 7, 2020

رح نشتقلك يا طاهرة pic.twitter.com/air0jkDbeh

— charbel مكان الأقامة : جهنم (@snowye29) December 7, 2020

ياجماعة لبنان شو سعر المنقوشة على الدولار اليوم أفيدونا

— Abou Arabi (@AbouArabi7) December 8, 2020

اصلا المنقوشة بتنصح والدولة بدا يانا نصير سنبتيك ????#رفع_الدعم

— Noun (@Noun06874958) December 8, 2020

عمرو ما حدا يورت #الا_كرشي pic.twitter.com/2yFHXDvtKH

— Maha Kowatly ???????? (@mahati75) December 8, 2020

أساساً منقوشة الزعتر بتعمل حرقة وشكراً

— أحمد ياسين || Ahmed Yassine (@ahmedyassine30) December 7, 2020

كنّا نقول ليش مش جاي الكهربا، صرنا نقول قديش حتصير المنقوشة..
عرفوا كيف بخليونا ملهين دايماً؟ هول مش حكام هول سلطة الابادة الجماعية الي عم تقتلنا بدون رجفة عين..#زريبة

— سحر حسين غدار (@sahar_ghaddar) December 7, 2020

للمقايضة: منقوشة لحمة على range Rover
للجادين فقط#صباح_الخير

— Zainab Maz (@zeza_999) December 8, 2020

---