بالصور والفيديو/ إشتريناها بعد سنين تعب ودفعنا حقها بطلوع الروح ويلي سرقها اذا عندو ضمير ويرجعها و ما بدنا نحاسب حدا!

اقدم مجهولين فجر اليوم على سرقة سيارة المواطن وسيم طالب من منطقة جسر سليم سلام – بيروت الذي إشتراها بعد سنوات من التعب، وكتب عبر حسابه على فايسبوك :"اليوم الفجر انسرقت سيارتي من تحت البيت ببيروت سليم سلام. طبعاً الخسارة كبيرة والعوض على الله بس الاتكال على رب العالمين ولعل هالشخص يلي سرقها يكون عندو ضمير ويرجعها لأن دفعنا حقها بطلوع الروح".

وتابع: "أي حدا من الاصدقاء قادر يساعد ولو بمعلومة او خبر يتواصل معي على الرقم 76400980 ".

وهذا روت زوجته في منشور آخر تفاصيل سنوات التعب مشيرةً:"كل يوم بالبلد منفيق على وجع وتعب بس اليوم فقنا وجعنا اكبر.. تعب سنين يروح بلحظة خاطفة يمكن البعض يعتبر الموضوع عادي بس نحنا اخترب بيتنا بلحظة اولا كان عنا شقة ماخدينا عالاسكان بعناها واخذنا حقها باللبناني بسعر زهيد من بعد سنين تقسيط قبل ما يطلع الدولار ونخسر كل تعبنا لحطينا بالشقة رجعنا قررنا نشتري سيارة بسعر منو قليل وعأساس نضيفة وسجلنا طلع فيها مصيبة كبيرة ما ستعملناها يوم واحد وبقيت بالتصليح وكبناها كب ومن بعدا شترينا سيارة شركة كانت كاملة مكملة".

وشددت:"تعب عمرنا راح من كتير غش وسرقة بالبلد الظالم وكتير قصص صارت وما قلنا سند غير الله العادل بكل شي وحتى بانفجار المرفأ كان قلنا حصة وما ستفدنا صلحنا بيت اجار من دون مساندة من اي مسؤول ما بعرف شو بعد ناطرنا.. بس اليوم كان أصعب يوم عنجد خسرنا كل شي، سيارة تقدر قيمتها بأقله ٨٥ مليون ليرة راحت متل الحلم كانت فشة خلق لقلنا"

ويذكر أنه وثقت كاميرات المراقبة لحظة حصول الجريمة.

 

 

---