نشرت الإعلامية رشا الزين على حسابها حادثة صادفتها، عن فتى يلم فتات خبز عن الأرض ليأكلها.
وكتبت: ع سيرة مشهد علب الحليب..و بشاعته
اليوم ضاهرة من الشغل عالمفرق قبل الاشارة في اوتيل في جنينة صغيرة بلاقي شخص عمره شي ١٦-١٧ سنة ...موطي عم يشيل خبزة فرنجي عن الارض ع جنب ..حدن شكلو كاين عم ياكل و رماها
الصبي اكل نتشة...و رجعها عالارض...و راح يحكي مع شخص واقف قريب منه عم يطلع فيه
كان واضح انو مستحي كتير عم يتلفت اذا حدن شايفو...
بيرجع بجيبها و بيقسمها هو وياه..و بياكلوها نتش بثواني خلصت راح رجع يدور ع شي تاني بالحشيش بالجنينة و يأشر بايدو فش شي بعد...
بهيك مشاهد بصادفها عادة معقول روح احكيه...صور معه ...اساله عن ظروفه
بس صدقا بلحظتها جمدت بارضي و ضليت من بعيد عم بطلع فيهم و من مشهدهم هيدا عم شوف وين صرنا و لوين رح نوصل بعد
اديش صرنا بالحضيض...ايه بشوف و بحكي ناس كتير عم تلم من الزبالة...اكل...بس لاول مرة بحياتي بحس ب شعور...ما رح اقدر اكتب و لا كلمة تعبر عنه..
مش بس مشهد انو لم الخبزة و اكلها الي اثر فيي...مشهد نظراته المرعوبة حدن يشوفه..هو و عم يتقاسمها مع رفيقه..مشهد الخوف و الوجع اللي ساكنه بكل تفاصيله...
بقلب الشوارع في كتير قهر...و جوع ووجع
