بعد فيديو له من السوبرماركت متوجهاً لشقيقه المغترب بالقول: "البلد بخير وفي حلاوة وسكر وطحين" وغيرها من المنتجات... الناقد الفني جمال فياض يتعرض للإنتقاد: "البلد بخير والعصافير تزقزق والسماء صافية"

نشر الناقد الفني جمال فياض عبر حسابه على تويتر فيديو من السوبرماركت متوجهاً فيه لأخيه حيث قال فيه أنّ "البلد بخير ومش هلقد يعني"، كما قام بتصوير "الطحين والسكر والحلاوة" وغيرها من المنتجات موضحاً أنّها ليست مقطوعة كما يشاع.

وعلق على الفيديو بالقول: "كلمني أخي من بلاد الغربة يسألني، هل صحيح لازم جيب معي حليب وقهوه وسكّر لأن كل شي مفقود؟ هكذا قال لي أحد أصدقائي… فأرسلت له هذا الجواب!! أكيد جوابي سيزعج بعض السلبيين!!".

وسرعان ما أثار الفيديو ضجة وتعرض لنقد لاذع من قبل بعض الناشطين الذين اعتبروا أنّ وضع البلد لا يقاس بهذه الطريقة في حين أنّ أغلب الشعب اللبناني بات يرزح تحت خط الفقر.

ومن الردود التي كتبت: "البلد بخير والعصافير تزقزق والسماء صافية وكوكب الأرض ينادي زحل".

وفي رد آخر: "بلا بروباغندا بيكون احسن!!!! التوقيع: الشعب السلبي".

وبعضهم توجه بالسؤال لـ "فياض" عن ما إذا كان قد قام بإخبار شقيقه عن الأسعار، وايضاً هل أخبره بأن الدواء والبنزين مقطوعين بالإضافة الى انقطاع  الكهرباء وتقنين المولدات.

كلمني أخي من بلاد الغربة يسألني، هل صحيح لازم جيب معي حليب وقهوه وسكّر لأن كل شي مفقود؟
هكذا قال لي أحد أصدقائي …
فأرسلت له هذا الجواب!!
أكيد جوابي سيزعج بعض السلبيين!! pic.twitter.com/KJASZBn9Ck

— @jamalfayadtv (@jamalfayadtv) July 3, 2021

 

ولاو يا استاذ جمال؟ البلد بعدا بخير؟ شو استفدنا اذا علبة الحليب صارت بي ١٠٠ الف وبعدا معاشات الناس متل ما هي؟ صح في مبالغة بخبرية "مفقود" بس ما فينا نضل ماشيين على نغمة الليرة بخير اذا ربطة الخبز لاح تصير 5000 ونحنا بعلبة لبنة ملبّكين! الاسعار عم تغلي والناس عم تغلي! الله يستر!

— إيناس كريمة (@EnassKarimeh) July 3, 2021

طب كيف بدو يروح يجيب لغراض خيك ما بدو بنزين ؟؟؟ و ين بدو يحط لغراض خيك ما بدو براد و كهرباء ؟؟؟؟؟ و اذا مثلا وجعتو معتو قد ما اكل من هل الغراض ما بدو دواء ؟؟؟؟؟؟؟؟ طب اذا راح و نطر شي ٤ ساعات على المحطة ما بدو امان من شي رصاصة من وراء المشاكل ؟؟؟؟؟؟

— Elhaboubati (@ghasshaboubati) July 4, 2021

البلد بخير والعصافير تزقزق والسماء صافية وكوكب الأرض ينادي زحل

— Micheline El Khoury (@MichelineElKh) July 3, 2021

بس كان لازم تكمل تصوير وتحط الاسعار!!!
وبالمناسبة عمتحضر اخبار???

— Rola (@stayontheearth) July 3, 2021

---