نشرت الملكة رانيا العبدالله صورا من حفل الحناء التي أُقيمت كأولى الاحتفالات الملكية بزواج ولي عهد المملكة، الأمير الحسين بن عبدالله، على رجوة آل سيف، المقرر في الأول من يونيو/ حزيران المقبل.
وشاركت متابعي صفحتها على "إنستغرام" مجموعة من الصور التي تظهر في معظمها خطيبة ولي العهد، رجوة آل سيف، خلال الحفل.
وعلقت على الصور بالقول: "اليوم بنفرح بأحلى رجوة، وفرحتنا ما بتكمل بدون أهلنا".
وأقامت الملكة ، مساء الاثنين، حفلة حنّاء في "مضارب بني هاشم" بالعاصمة الأردنية عمّان، بمشاركة عدد من أميرات العائلة الملكية، وما يقارب 600 سيدة حضرن من أرجاء محافظات الأردن وقراها وبواديها.
وقالت اثناء الحفل موجهة كلامها للحضور: "أهلاً وسهلاً فيكم، مبسوطة انكم هون حتى تشاركونا فرحتنا. يعني الحمدلله اليوم كثير عزيز علينا، ولعيلتنا الكبيرة بقول: إن ما وسعتكم بيوتنا بتوسعكم قلوبنا والفرحة وحدة. حسين ابنكم وانتوا أهله وهذا عرسكم. حسين هو فرحتي الأولى، ابني البكر ... وزي أي أم أنا من زمان بحلم اشوفه عريس والحمدلله اليوم بلشنا احتفالاتنا بعرسه، وان شاء الله الله يتمم على خير".
وأضافت الملكة رانيا: "وأخيراً صار عندي كِنة! بس مش أي كِنة ما شاء الله عليها رجوة يعني ما بعرف في أحلى أو ألذ منها العروس؟ جد غلاوتها من غلاوة إيمان وسلمى. بتذكر من أكمن شهر لمّا خبرنا حسين سيدنا وأنا أنه نوى يتزوج قديش كانت فرحتنا. رجوة هي أحلى رجاء مني لرب العالمين لحسين".
وتابعت موجهة حديثها لخطيبة ولي العهد: "إن شاء الله يا رب الله يسعدكم ويوفقكم ويخليكم لبعض. وإن شاء الله دايماً بتكونوا سند وفرحة بعض".
ووجهت الملكة كلمات لوالدة رجوة آل سيف قائلة: "أم فيصل، احنا عنا بنقول دايماً بتعرفوا البنت من أمها وأنا بحكيلكم الأم جوهرة، "عزة" أنا بعرف أنا كنت محلك قبل شهرين وبعرف شعورك... بس بدي اطمنك إنه رجوة بعيونا وبعيون حسين وهي بين أهلها وناسها، فاطمئني عليها".
وتابعت قائلة: "بتعرفوا احنا كأمهات، ايش بدنا من الدنيا غير أنه نشوف أولادنا مبسوطين ومرتاحين. ويمكن احنا مرات بنراجع حالنا ونسأل هل احنا عملنا كل اللي بنقدر عليه؟ وأنا، سيدنا المغفور له الملك الحسين الله يرحمه، قبل ما يتوفى لما كان بالمستشفى وعرفنا انه تعبان، أنا وعدته وعد، قلتله حسين رح يتربى زي ما أنت بدك".
وأضافت : "فاليوم بطلع على حسين، بشوف قدامي شاب جندي شجاع واثق من نفسه قوي، بشوف كيف يعني كوالده، بشوف كيف أسلوبه، أسلوب تعامله مع عروسته ومع عرسه، كيف حابب انه هذا العرس يكون بمشاركة أردنية مش بس بالاحتفالات، لكن بالتحضيرات كمان".
وختمت بالقول: "هو فعلاً شاب هاشمي واعي وعارف انه هو منكم وإلكم، وان شاء الله وفيت وعدي للملك حسين، وان شاء الله يكون هو راضي، وان شاء الله كلكم تكونوا راضيين وألف مبروك النا جميعاً لأنه هاي فرحتكم قبل ما تكون فرحتنا وأهلا وسهلا فيكم مرة ثانية".
وأعلن الديوان الملكي الأردني موعد زفاف ولي العهد، الأمير الحسين بن عبدالله الثاني من خطيبته السعودية، رجوة خالد آل سيف، في الأول من يونيو/حزيران 2023.
تغطية مباشرة
-
الحجار ادعى على خليل سبليني وأحاله على قاضي التحقيق العسكري طالبا استجوابه وإصدار مذكرة توقيف بحقه تتمة...
-
مراهق بعمر 14 سنة يسرق 1700 دولار من داخل معرض سيارات في تلعباس الغربي تتمة...
-
مصرف لبنان سيكرر هذا الشهر دفع ضعفي قيمة التعاميم بشكل استثنائي لمناسبة الأعياد على ان تشهد الاسابيع المقبلة اجراء تعديل نهائي لزيادة نسبية في قيمة الدفعات الشهرية (الجديد)
-
غزة: وفاة 4 أطفال حديثي الولادة بسبب البرد خلال 72 ساعة في القطاع
