أشارت الإعلامية نوال بري، في منشور عبر منصة "إكس"، إلى أنّه "يلي عم يصير بالجنوب مش طبيعي ابدا. يعني تكون بعدك ببيتك وولادك عم يروحوا عالمدرسة وبتجي ضربة مية متر من حد البيت وبتكمل حياتك طبيعي لان الاسرائيليي محددين مين عم يستهدفوا".
وأضاف: "يلي عم يصير بالجنوب هوّ ناس عم تعيش حرب قاسية كتير ومضطرة تبقى بهيك وضع لان ما بدها تترك بيوتها وتتهجر. كلنا كنا مع مساندة غزة اول فترة للضغط لحتى ما يجتاحوها برّياً. اليوم غزة للاسف صارت ركام وناسها عايشين اكبر مأساة بعصرنا، وللاسف ساحة الجنوب اليوم صارت ساحة اغتيالات وقتل مدنيين".
واعتبرت أنّ "يلي عم يصير بالجنوب كتير صعب وانشالله يوقف اليوم قبل بكرا. الناس تعبانة كتير ومش عيب ولا عمالة انو الناس تتعب لما ما يكون في نتيجة واضحة للوضع يلي الناس عم تتحملو. الله يحمي اهل الجنوب وكل حدا عم يدافع عن الجنوب، بس الجنوب تعب كتير كتير. عم يدفع ثمن حرب غزة كتير. كنا اول فترة فخورين انو قدرنا نوقف حد غزة اليوم صار بدنا مين يوقف معنا بالوضع يلي عايشينو بالجنوب".
وختمت بالقول: "إذا عبرنا عن شو عم نحس ما معناتها عملاء او ضد مقاومة اسرائيل. السكوت بيوجع كتير امرار خاصة بعد مجزرة مبارح بخربة سلم. ناس هربانة من الحدود لحقها القصف وناس وولاد صارت عايشة عالوهلات والصدمات".
يلي عم يصير بالجنوب مش طبيعي ابدا..يعني تكون بعدك ببيتك وولادك عم يروحوا عالمدرسة وبتجي ضربة مية متر من حد البيت وبتكمل حياتك طبيعي لان الاسرائيليي محددين مين عم يستهدفوا..يلي عم يصير بالجنوب هوّ ناس عم تعيش حرب قاسية كتير ومضطرة تبقى بهيك وضع لان ما بدها تترك بيوتها…
— Nawal Berry - نوال برّي (@berrynawal) March 10, 2024
تغطية مباشرة
-
بالفيديو/ تحطم طائرة على متنها 181 شخصاً في كوريا الجنوبية تتمة...
-
بالفيديو/ حمل الأحبةُ دموعهم وورودهم وجاؤوا ليزفوا رفيقَ دربِهم.. بنت جبيل تودع ابنها الشهيد ربيع الزغير تتمة...
-
الجيش الإسرائيلي يقوم بتفتيش المنازل في الطيبة وحارة مشروع الطيبة ويضرم النار فيها (الوكالة الوطنية)
-
تأجيل مهمة للجيش اللبناني ترمي إلى فتح طريقين في أطراف القنطرة وشقرا بعد التوغل الإسرائيلي
