اضطراب نفسي خطير يفتك بشاب من بنت جبيل.. العلاج مهدد بالتوقف إذا لم نبادر الآن!

بالعامية.. في شاب من بنت جبيل اسمه صادر العشي.. شاب باوائل ثلاثينات من عمره، من ناسنا من اهلنا من صلب بلدتنا.. بس الدنيا قلبت عليه ومشكلته مش بسيطة.. صادر بيعاني من اضطراب نفسي صعب وكبير وخطير خلاه يعيش فترة طويلة بالشارع بالصقعة والشوب وبالحقالي وبالاوضاع الامنية الصعبة والخطرة كنا نلاقيه بالكروم وبالاحراش بلا مأوى بلا علاج وبلا اكل وبلا حماية، والاهل معش قادرين يتحملوا الشكاوى لي عم تجيهن وحكي الناس لان الموضوع خارج ارادتهم… وصار للأسف يأذي حاله، واحياناً يأذي الناس بدون وعي او ادراك و بعض الناس بالمقابل صاروا يئذوه كأنو هو عدو مش ضحية..

انا شفته بعيني بالشارع على طريق عين ابل ما قادر يمشي لانو حدا تعرضلو بالضرب بشكل جنوني.. وطبعاً بين نظرات الخوف ونظرات الشفقة ونظرات الإهمال وما حدا عم يتحرك والاهل ما طالع بايدن شي.. كتبت عنو وقتها وما سميت مين هو لأني حسيت إنو الوضع ممكن ينحل من بوست صغير بس اليوم ما عاد فيني اسكت.. صادر بحاجة الكن.. وهو بذكر انو في شخص من اهل الخير ما عرفتو مين بس هو مغترب بافريقيا، تبرع بـ2000 دولار الله يجزيه الخير.. حكينا مع الجمعيات الخاصة ببنت جبيل وفقط اجا من جمعية السيد علي الحكيم تبرع بقيمة 400 دولار من بعدما اتواصلت مع ابو علي احمد السيد خليل الله يوجهله الخير.. و300 دولار من الشيخ علي فرج الله كمان يجزيه الخير.. بس الحقيقة انو العلاج مش دفعة وحدة وخلص.. صادر من فترة وصلناه لمستشفى دار الصليب وهي مؤسسة متخصصة بالأمراض النفسية الحادة وبحاجة كل شهر لـ 1250 دولار ليكمل علاجه فيها اضافة لمصاريفه اليومية والاساسية داخل المستشفى من مشتريات مثل "منقوشة ، كيك، بونجوس وشفرات حلاقة، وتياب موسمية وغيرن..

نحن تقريباً بالتبرعات يلي اجت سكرنا شهرين للمستشفى وقرب يخلص الشهر التاني والمعالجة النفسية عم بتقول الوضع صعب ويبدو بحاجة لاشهر طويلة وجربنا مع وزارة الصحة وطلبنا ينزلوا الدفعة للنص عبر مكتب النائب فضل الله لكن ما مشي الحال لغاية الان.. واذا ما تأمنت الدفعات الشهرية رح يضطروا يرجعوه على بيته!

صادر اليوم ما بيمثل حاله بس، بل صار قضية رأي عام ببنت جبيل قضية إنسانية واجبنا كلنا نتحرك لان مش هو اختار مرضه بايده بس نحنا منختار نوقف معه او لا.. هيدي بنت جبيل يلي بيحكوا عننا بالاغتراب وكل عرب ميشيغن قديش سخايا ومنقدم صرنا اليوم قدام امتحان كبير لان الوضع بلبنان صعب اقتصادياً والناس واقف شغلها.. وحتى ندائي للناس من غير بنت جبيل لانو وجع الناس ما الو حدود وجغرافية… فيك تساعدنا لنوقف ونرجع نرجعه متعافي باذن الله وبكل الاحوال ما في دوا اقوى من محبتنا لبعض… وما في مستشفى ائمن من حضن الناس لبعضها!

ملاحظة في اي شخص حابب يحط ايده بايدنا سواء عبر الدفع بشكل مباشر او الذهاب لصندوق المستشفى بشكل مباشر. 
للتواصل : 
واتساب 70660155

---