«دولة العكرتة»!

في بلدٍ تآكل فيه معنى الدولة، وذابت فيه المسؤولية كما يذوب الحديد في النار، يعيش الجنوب اللبناني حالة من الخذلان الرسمي الممنهج. السماء مفتوحة أمام طائرات الموت، والأرض متروكة لأهلها يواجهون القدر وحدهم. الدولة تتفرّج، وأذنابها البالية لا يكتفون بالصمت، بل يحرّضون من شاشة إلى أخرى، يبرّرون القتل ويحوّلون المأساة إلى مادة للنقاش الرخيص. يوافقون على قتلنا بالصمت وبالكلام، وبالبيانات الخشبية التي لا تردّ رصاصة ولا تحمي طفلاً.

كأن الجنوب صار منطقة خارج الجغرافيا، حيث الناس يُقتلون على الطريق، ويُدفنون في الصمت، بينما الدولة توزّع بيانات الشجب على الورق وتغسل يديها من الدم.  وهنا نصّ ذو الفقار حركي الذي انتشر كالنار في الهشيم، لأنه كتب ما يشعر به كلّ جنوبي موجوع، وكل لبناني حقيقي ما زال يملك قلباً:  "هل شاب اسمو عيسى كربلاء من بلدة عين قانا جنوب لبنان …  عيسى فاق بكير ليوصل ابنو عل مدرسة متل ايا اب و رب عيلة و راح كفى عل مقبرة ليقرا الفاتحة لابنو يلي عمرو ٤ سنين و توفى من فترة … عيسى نطرتو الطائرة المسيرة و اغارت عليه ع الطريق … زلمي رايح يوصل ابنو عل موتسيك مش انو عندو رفاهية ياخدو ب سيارة حتى … عم تتخيلو بس موقف الابن يلي بعد ما دخل باب المدرسة بلحظات سمع الصوت و ضهر لاقى والدو جثة عم تحترق عل موتسيك … عم بتخيل بس شعور الاطفال و الرعب يلي صار معن ع بكرة الصبح يلي كل ذنبهن انو رايحين يتعلمو بمنطقة متروكة ل ربها ب لبنان اسمها الجنوب … الخبر رح يمرق مرور الكرام و بالكتير الكتير ينحكى فيها نهار عل سوشيل ميديا بس بالحقيقة في عيلة خسرت معيل الها و في اطفال تيتمو و زوجة حامل رح تخلف بعد كم شهر بنت يتيمة الاب رح تعيش بدون سند لآخر عمرها … حزين يلي عم يصير بجنوب لبنان و اهلو لي ولا انسان عايش فوق بيقلك غير انو بيروح الصبح مش عارف اذا رح تكون الغارة حدو و يرجع صاغ سليم لعيلتو او ينعوه تاني يوم … ولا بالخيال يلي صار فينا ولا بعمرنا فكرنا انو ممكن نوصل لهل مرحلة بالعجز و المشكلة انو كلنا عارفين هل شي بس بعدنا عم نكابر ع حالنا".

ليست القصة عن “عيسى” وحده، بل عن وطنٍ صار المواطن فيه هدفاً سهلاً وصوتاً بلا صدى.. جنوب لبنان اليوم لا يحتاج دموعاً ولا بيانات، بل دولة حقيقية تعرف أن حماية الناس ليست ترفاً بل واجباً. وحتى يأتي ذاك اليوم، سيبقى الجنوب يدفن أبناءه بصمت، وتبقى “دولة العكرتة” رمزاً لبلدٍ فقد ضميره.

---