لبنان: 96171010310+     ديربورن: 13137751171+ | 13136996923+
30,257 مشاهدة
A+ A-

تحدثت والدة الطفل عمر وهي من منطقة صيدا لموقع vdlnews، عن إصابة نجلها بـ متلازمة التهاب الأجهزة المتعددة لدى الأطفال( MIS-C- Multisystem Inflammatory Syndrome in Children) المرتبطة بالإصابة بفيروس كورونا وقالت: "انا اليوم بدي احكي عن الشي اللي صار مع ابني عمر مع اني موجوعه وخيفانه بس لازم تعرفوا شي كورونا منا مزحه ابدااا اوعا حدا يستهتر فيها. ابني عمر أصيب بكورونا من شهر تقريبا بما انو انعدا مني بس وقتها ما تاثر ابداا وما كنت عارفي اساسا انو انعدا مني وقلت انو الاطفال باذن الله ما بيتاثروا".

وأشارت:" بعد شهر بالظبط كان عم يلعب متل اي ولد طبيعي وابني ما بيعاني من شي نهائيا.. فجاه طلعت عليه حرارة 40 ووصلت للـ41. أدخلته مستشفى بصيدا عاساس انو التهاب مصارين وبلش ابني يتراجع يوم بعد يوم وبلش يغيب عن الوعي ويعبو اجريه مي وما تحسن نهائيا ليوم فات ليشوف اجريه دكتور كلاوي وقلي ابنك بلش ينتشر فيروس بجسمو".

وتابعت: "حملتو وطرت فيه عالجامعة الامركيه وصل ابني ضغطو ٥ والكبد مورم وعضله القلب ما عم تشتغل كما يجب وبطل يطلع الاكسجين عراسو.. بعد ما انعشوو تبين انو في (MIS-C) متلازمة التهاب الأجهزة المتعددة لدى الأطفال المرتبطة بفيروس كورونا . هيدا بيضرب الجهاز المناعه للاطفال بدل ما يدافع بيصير بيضرب نفسو اول ما ضرب ضربلو عضلة القلب لابني وبلش ينزل عالكبد وعالمصارين يعملو وجع قوي ولانو صار في قصر بعضلة القلب بلش يخف الاكسيجين عن الراس...حاليا ابني بمستشفى الجامعه الامركية بقسم العناية الفائقة عم يتلقى العلاج ليساعدو عضله القلب تسترجع قوتها".

وختمت:"انا بطلب منكن جميعا تدعو لابني الله يرجعو لحضني ويسلم اولاد الجميع".


وبحسب مايو كلينك  أن معظم الأطفال الذين يصابون بفيروس كوفيد 19 يصابون بأعراض طفيفة فقط. ولكن بالنسبة للأطفال الذين تتفاقم حالتهم فيصابون بمتلازمة التهاب الأجهزة المتعددة، فإن بعض الأعضاء والأنسجة لديهم تصاب بالتهاب شديد، مثل القلب أو الرئتين أو الأوعية الدموية أو الكلى أو الجهاز الهضمي أو الدماغ أو الجلد أو العينين. ومتلازمة التهاب الأجهزة المتعددة لدى الأطفال نادرة، ومعظم الأطفال الذين يصابون بها يتحسنون في نهاية المطاف عن طريق الرعاية الطبية. لكن تتفاقم حالة بعض الأطفال بسرعة لدرجة تهدد حياتهم. .

المصدر:  vdlnews - مايو كلينك


تغطية مباشرة آخر الأخبار

  • منتخب لبنان لكرة السلّة يتخطّى السعودية وينجح بالمهمّة ما قبل الأخيرة في رحلة التأهّل لكأس العالم
  • قطع طريق البربير المؤدية إلى رأس النبع احتجاجاً على تردي الأوضاع
  • قطع السير على تقاطع قصقص بيروت (التحكم المروري)
  • الكاتب السياسي وجدي العريضي للجديد: الرئيس بري أكد لزواره أنه سيدعو في 1 أيلول إلى جلسة لانتخاب رئيس جمهورية