"بدنا دوا للسرطان".. حملة على مواقع التواصل الإجتماعي والمعاناة أكبر من أن تروى: "لأن ما في دوا كرمال العلاج رجع انتشر المرض وضرب الكبد"

بعد فقدان أدوية السرطان وتعذر الحصول عليها، بدأ ناشطون اليوم بحملة عبر "تويتر" تحت وسم "#بدنا_دوا_للسرطان" مطالبين من خلالها إيجاد حل لهذه المشكلة التي لا يمكن أن تنتظر لأنّ أرواح "الناس مش لعبة".

وتحت هذا الوسم، تناقل العديد معاناة أفراد عائلاتهم في الحصول على الأدوية، والحالات التي تفاقمت بسبب توقف العلاج وغيرها من التجارب المؤلمة التي لا يمكن أن تحصل إلا في البلد الذي يبرهن فيه المسؤولين أزمة إثر أزمة أنّهم غائبون عن "الضمير".

هذا لا يحصل إلا في لبنان، فأي بلد يقوم بقتل مواطنيه هكذا بشكل واضح دون أدنى اهتمام من قبل الجهات المعنية وكأنّنا نتحدث عن أدوية لـ "وجع الرأس"، لا عن أدوية المرض الخبيث.

والجدير بالذكر، أنّ بعض الأدوية متواجدة في "السوق السوداء" وتباع بشكل علني إلا أنّ سعرها يكاد يفوق قدرة 10 عائلات وليس عائلة أو فرد واحد، فـ "الاحتكار شغال وعلى عينك يا دولة".

 

أنا بقول لكل الناس الي عم تعاني معنا بموضوع الأدوية سواء للسرطان أو غيره، إنو تكتب معاناتها ومعها هيدا الهاشتاغ #بدنا_دوا_للسرطان لأن فيها الناس تعيش بلا كهربا وبلا انترنت (مع انو مش منطق ومش لازم ينقبل فيه) بس ينسكت على موت الناس لأن ما في أدوية، هيدا ما بينسكت عنو#لبنان

— Malak Khalil (ملاك خليل) (@malakkhaleel) June 19, 2022

بابا بحاجة لدوا سرطان مقطوع بلبنان كل ست اسابيع اربع جرعات. سعر الجرعة بلبنان بالسوق السودا ١٥٠٠$ يعني ٦٠٠٠$ كل ست اسابيع. اللي بضحك هوي انو جبنا سوق سودا و طلع مزور كمان. اليوم عم نجيب من تركيا. نحنا قادرين نجيب دوا لبابا لان انا و اختي مش عايشين بلبنان #بدنا_دوا_للسرطان

— Hanaa Hussein (@hussien_hanaa) June 19, 2022

هيدي المسج من صديقة معها cancer، هالخمسينية القبضاية معيشة اهلها كل عمرها، قاعدة بلا علاج من شهور لأنو ما في ادوية بالوزارة، وعم تسكر مشروع العمر لأنو الحكيم قلها ما بقا في كتير عمر.. #بدنا_دوا_للسرطان pic.twitter.com/EAzuL5lcFW

— ex-impressed (@eximpressed) June 19, 2022

ببلاد برا المرضى واهاليهن ليكونوا عم بيتلقو الدعم النفسي والمالي للتخفيف من حدة وصعوبة المرض حتى بآخر مراحل المرض بيهتمو (palliative care) .
عنا اذا باعو يلي فوقن ويلي تحتن بيلاقوا الدوا بالسوق السودا و يمكن يكون مغشوش .#بدنا_دوا_للسرطان

— Israa M???? (@israa02m) June 19, 2022

حملة #بدنا_دوا_للسرطان هي كرمال هول الناس! كل شوي عم يبين قديش في عائلات عم تعاني وما حدا عم يتحرك! https://t.co/dYWxcke31S

— Malak Khalil (ملاك خليل) (@malakkhaleel) June 19, 2022

---